Video
Read full review
2019-02-12
191 views
餐廳喺九龍城福佬村道，門面唔大，裝潢係居酒屋格局，佈置都幾colorful，食得心情特別愉快。餐廳供應午巿套餐，五六十蚊就有得食，會送飲品同埋可以優惠價追加小食。叫咗個【自家製黑蒜拉麵$68】套餐拉麵上枱時啲湯仲係滾緊，睇真啲原來入面有粒熱石，令湯底溫度keep得更耐。黑蒜香味啱啱好唔會過鹹，拉麵麵身煙韌，大塊叉燒肉質嫩滑。餐飲可以揀柚子蜜。跟餐小食叫咗【炸一口芝士(跟餐$23)】四粒熱辣辣嘅一口芝士，芝士味濃。【鐵窩明太子三文魚飯$88】用鐵窩上，個鍋熱到辣手，三文魚好香口，個飯帶少少香脆飯焦，不過明太子味道就稍稍唔夠突出。【柚子雞肉串$22】雞肉切得幾厚身，上面唧咗啲柚子醬。雞肉嫩滑而且好juicy，柚子味濃郁，成串都好惹味。【石窩清酒煮蜆$78】蜆嘅份量不少而且蜆肉夠晒大粒，食落爽口新鮮，只係清酒味可以再濃啲。【燒明太子$88】本身係佐酒小食，所以先加少少蘿蔔茸再用紫菜包住食，就唔怕鹹，我哋就送飯食，幾滋味。餐廳雖然係小店格局，但有「日本產食材Supporter店認証」，講究食材質素，絕對值得支持。
餐廳供應午巿套餐，五六十蚊就有得食，會送飲品同埋可以優惠價追加小食。
叫咗個【自家製黑蒜拉麵$68】套餐拉麵上枱時啲湯仲係滾緊，睇真啲原來入面有粒熱石，令湯底溫度keep得更耐。黑蒜香味啱啱好唔會過鹹，拉麵麵身煙韌，大塊叉燒肉質嫩滑。
餐飲可以揀柚子蜜。
跟餐小食叫咗【炸一口芝士(跟餐$23)】四粒熱辣辣嘅一口芝士，芝士味濃。
【鐵窩明太子三文魚飯$88】用鐵窩上，個鍋熱到辣手，三文魚好香口，個飯帶少少香脆飯焦，不過明太子味道就稍稍唔夠突出。
【柚子雞肉串$22】雞肉切得幾厚身，上面唧咗啲柚子醬。雞肉嫩滑而且好juicy，柚子味濃郁，成串都好惹味。
【石窩清酒煮蜆$78】蜆嘅份量不少而且蜆肉夠晒大粒，食落爽口新鮮，只係清酒味可以再濃啲。
【燒明太子$88】本身係佐酒小食，所以先加少少蘿蔔茸再用紫菜包住食，就唔怕鹹，我哋就送飯食，幾滋味。
餐廳雖然係小店格局，但有「日本產食材Supporter店認証」，講究食材質素，絕對值得支持。
Post
