Video
Read full review
2022-09-16
4555 views
最近食牛大人食多左，想試下其他火鍋放題😏，見到呢間餐廳做緊優惠，星期一至四7點半前結帳，每位$248，另外訂枱滿4位即時減$100，最終4人$991。🤤 我地準時5點半入座，首先點左個小辣青江烤魚。賣相真係好靚，大大條魚，而且全部都係粗骨，唔洗怕會唔小心連骨嘔，加上師傅劏好哂，半邊全部都係肉，啖啖肉好滿足~~ 烤魚啱啱上枱果陣個湯汁較多，所以魚肉未能入味，但水份蒸走一半後，辣味越嚟越出，個汁用嚟打邊爐最正!! 😋落柯打後，職員會送上一次性刺身，包括鮑魚、北寄貝、鯛魚(應該係)；一次性嘅牛頸脊；同埋牛肉拼盤，包括牛板腱、牛舌、封門柳、牛肩、牛粒；全部牛肉都好靚，以任食嚟講質素唔差。牛舌彈牙、封門柳最有牛味、牛頸脊肉質最淋、牛板腱切得太厚有點韌、牛粒比想像中軟，煮耐左都唔會韌，有驚喜、牛肩肉係第二淋又有牛味。牛類選擇好多，除左拼盤嘅牛外，仲有少見嘅牛胸爽😯!!! 全枱人第一次食，所以唔識煮，煮到好韌，韌到好似食緊香口膠...😂😂另外，任食刺身有三文魚、甜蝦、墨魚、馬刀貝、仿鮑片，係墨魚麻麻地，比我煮番熱嚟食😅，好有墨魚味🙊，其他正正常常。前菜則有芝麻八爪魚、味付螺肉、手拍青瓜、陳醋雲耳、麻
我地準時5點半入座，首先點左個小辣青江烤魚。
73 views
4 likes
0 comments
52 views
1 likes
0 comments
賣相真係好靚，大大條魚，而且全部都係粗骨，唔洗怕會唔小心連骨嘔，加上師傅劏好哂，半邊全部都係肉，啖啖肉好滿足~~ 烤魚啱啱上枱果陣個湯汁較多，所以魚肉未能入味，但水份蒸走一半後，辣味越嚟越出，個汁用嚟打邊爐最正!! 😋
47 views
0 likes
0 comments
落柯打後，職員會送上一次性刺身，包括鮑魚、北寄貝、鯛魚(應該係)；
62 views
0 likes
0 comments
一次性嘅牛頸脊；
45 views
0 likes
0 comments
52 views
0 likes
0 comments
同埋牛肉拼盤，包括牛板腱、牛舌、封門柳、牛肩、牛粒；全部牛肉都好靚，以任食嚟講質素唔差。
牛舌彈牙、封門柳最有牛味、牛頸脊肉質最淋、牛板腱切得太厚有點韌、牛粒比想像中軟，煮耐左都唔會韌，有驚喜、牛肩肉係第二淋又有牛味。
牛類選擇好多，除左拼盤嘅牛外，仲有少見嘅牛胸爽😯!!! 全枱人第一次食，所以唔識煮，煮到好韌，韌到好似食緊香口膠...😂😂
51 views
0 likes
0 comments
另外，任食刺身有三文魚、甜蝦、墨魚、馬刀貝、仿鮑片，係墨魚麻麻地，比我煮番熱嚟食😅，好有墨魚味🙊，其他正正常常。
前菜則有芝麻八爪魚、味付螺肉、手拍青瓜、陳醋雲耳、麻辣皮蛋。
46 views
0 likes
0 comments
炸物有即叫即炸嘅響鈴、炸魚皮、炸饅頭；響鈴好熱好脆，但我略嫌薄身左；炸魚皮有少少腥；炸饅頭正常，但唔食得多，好飽肚。
25 views
0 likes
0 comments
第二樣試左小辣雞煲，雞肉以4人嚟講，份量啱啱好；香味同味道都唔夠川味，而且湯汁較多，雞肉難掛汁，整體一般。
其實仲有好多款煲揀，例如紅酒牛尾煲、大魚頭煲等等，但食完條魚同雞大家已經飽飽地，最終點左個蕃茄薯仔拼粟玉豬軟骨鴛鴦湯打邊爐，咁樣最能食到各款牛嘅牛味😋。
47 views
2 likes
0 comments
呢度有5款雪糕任食，我無見過呢個牌子，所以本身對佢無期望，但試左一個後，發現原來幾好味😯，結果全部食左一個😂 最中意係咖啡味，好濃好香，中意佢帶點苦，正!!🤤 其次係朱古力味，夠濃又有少少苦；柚子乳酪有柚子粒粒，有驚喜，但甜D；綠茶正正常常，少少茶甘；最甜係蜜桃，但都好味。
平時係出面食個烤魚都要二、三百蚊，但呢度二百幾蚊除左可以食到烤魚外，仲可以任食其他煲類、刺身、質素唔錯嘅牛，真係幾抵。
Post
