火鍋先生 (Closed)

好值得去試既一間火鍋店，裝修門面好舒服，坐位闊落唔怕好逼，梳化坐得耐都唔怕攰呀。而且佢仲有一個好特別既升降火鍋爐，只要接制就將鍋底升上黎，唔怕食物淥得太耐之餘仲唔洗周圍撈，真係好方便。食物方面都係一流，湯底選擇都算多，而且好足料，特別係火焰龍皇海鮮鍋，材料十足，海鮮新鮮，仲好有睇頭。刺身方面都唔遜色出面既日本餐廳，擺盤靚，味道鮮甜，真係令人驚喜。最重要既火鍋配料都係令人眼前一亮，手切肥牛好有牛味，一d都唔奀，而且仲有得揀肥瘦，照顧曬各種喜好既朋友仔，另外好推介大家試下爆汁牛丸同竹笙，丸牛非常驚喜，牛味好重彈牙，而且真係會爆汁，真係無改錯名，竹笙相信大家都食過，但咁大條既竹笙真係第一次見，湯汁入哂去，食落爽口，真係值得一試，其他配料都相當好食。