Pickabowl (D2 Place ONE)

Open Now

Now Closed

🥗🍚荔枝角自選配料健康拌飯今日去開荔枝角搵到呢間市面上比較少見嘅自選健康拌飯，主要配料有粒粒海鮮、肉、不同醬汁既沙律菜配飯、糙米飯、黃薑椰菜花、沙律或者沾烏冬，配料特別、好味同出奇地夾！🍚自選拌飯($84) 推介❗️🐟經典三文魚+🐙蒜辣八爪魚(香辣蒜油)+🥗和風(主要有四季豆、毛豆、玉子、炸豆腐粒)+🍚白飯三文魚厚身又新鮮，個汁真係好好味！有啲似日式醬油味，上面有啲紫菜同芝麻好香口。八爪魚都係厚切粒而且都好新鮮有蒜有辣好惹味！平衡返上面重口味嘅選擇，沙律我哋揀咗和風，主要係淡味嘅蔬菜粒，有淡淡嘅調味令怕食菜既人都唔會覺得難食，而且令到成個飯即刻健康哂！最後加埋酸甜菠蘿粒令到整體好味左又驚喜！🐟煙燻辣味三文魚+🍗慢煮天多利烤雞(印式香料汁)+🌶泡菜(主要有泡菜同青瓜 )+🍚白飯三文魚超厚身好好味好新鮮辣味啱啱好但係冇咩煙熏味，雞肉完全唔肥膩有啲似雞胸，但好嫩滑一d都吾硬，個汁淡淡地係健康又好味既味道，泡菜吾太酸不過都真係幾辣，鐘意食辣嘅朋友可以考慮下！2碗飯上面仲有層紫菜令到成個更好味！冇諗過一碗飯可以有咁多配菜而且所有配料都好味同出奇地好夾，每一啖入口都有唔同嘅料，非常推介佢哋嘅三文魚！