一百二十分鐘任食，任飲，超抵。
地方乾淨，沒有燒烤既油煙感。桌子寬大，放個五層食物物架足夠有餘，坐得舒服。
一座底就有人招呼講解。未落order已經有盤食物準備好比你，等你一路睇落餐紙，一路燒住啲野食先，好似好怕餓親啲客咁，服務唔比滿分都唔得啦。
2
個燒爐有個大滾輪，放啲串好既食物落去，啲串串會自轉，所以啲食物燒得特別均勻。但啲串串就要放得好，齒輪對岩位，咁先轉得順，放唔好就會卡住唔郁呀啦。
呢度燒汁代密糖，食物燒到七八成熟就可以塗燒汁。
要重口味，仲可以加其他調味料，有泰式魚露，韓式梨汁燒烤醬，海鹽，孜然粉，七味椒鹽和串grill辣粉。調味料都好多選擇。佢啲食物冇醃製過，所以落些少調味料會好啲。
食物種類多，基本豬，牛，海鮮，蔬菜都有。係點餐紙填上想要既數量，食物很快便送上，超讚。
食材新鮮，全部都細細件串起晒，方便拿起就放入轉架到燒。
要好好利用個燒烤架，上層可以放已經燒好既串串，放涼但又可以保持一定既温度
呢度仲有晒燒烤時間表，真係岩晒手殘人士，地獄廚神去食。
飲品就自己出去雪櫃自取，很方便。
推介指數
鯖魚，啲魚油被熱力迫晒出黎，啖啖魚油香，好味。
燒菠蘿，少少酸但好juice
燒雞皮，要燒耐啲，啲皮變曬脆卜卜，好似食薯片咁。
台灣腸，三款腸仔最愛台灣腸。係我日思夜想既台灣味香腸呀。
1
燒豬大腸。原本都冇order, 但聽見隔離枱瘋狂encore，我地又叫黎試下羅。真係好正，外皮脆卜卜，內里啖啖肥油，勁邪惡。
甜食除左燒棉花糖
仲有雞蛋仔，蛋香濃郁，香脆可口。一定吃到熱辣辣既雞蛋仔。
和牛串，好多肉汁，必食
食完啲鐡韱唔好亂放，放係呢個大鐵桶到就唔會吉到人啦
添滿佢係我既目標!!!
每人食完仲有杯雪糕送，真係錦上添花啦。
