等緊巴士期間見到呢間外賣小店, 主打上海料理, 有小食、主食...價錢唔貴就買黎試試。
其中仲有幾款飯麵套餐選擇tim…
1
揀咗其中一款上海麵套餐
【上海排骨擔擔麵】HK$59 (配生煎包2隻); +$8加配豆漿/酸梅湯
外賣包裝都很貼心, 湯麵分上下兩層, 拎返屋企期間唔會令麵過份索湯。
肉碎都唔少, 麵質偏林, 濃郁花生醬味湯底偏杰、唔辣, 麵條稍微索湯同時又能掛湯, 食落漏咗少少, 相當飽肚; 上海排骨有咬口得黎唔會太硬咬唔開。
至於生煎包滿有驚喜,
本身覺得外賣返到去, 盒內出倒汗水會令個包濕濕地變林, 但煎至金黃嘅包底食依然脆口! 包側鬆軟, 一咬鮮甜湯汁隨即湧出, 餡料充滿鮮肉香, 很juicy, 推介!
+$8 配支裝密封樽裝豆漿, 少甜又有淡淡豆香
【排骨蔥油拌麵】HK$42
原本意為蔥油拌麵會油林林, 但食落其實算幾乾身, 連同似係浸過油嘅蔥食, 多一點清香。麵質有彈性, 同樣配上大大件排骨, 飽肚。
