吉龍糖黑糖茶飲專賣店 (景隆街) (Closed)

周不時經過銅鑼灣都見到呢間茶飲店，橙色嘅門面都幾揚眼，但我成日以為店名係「古龍糖」，原來係「吉龍糖」先啱。依日行開街口痕痕經過就幫襯下😛！茶飲店有同唔少餐廳優惠折扣或者訂台App合作，所以我輕鬆地就搵到優惠平幾蚊，勁師奶的行為🙈。我要咗🍵炭燒烏龍(原價$18)，大杯加$4；好彩我有問清楚，原來經典茗茶系列都係有黑糖的，所以即刻嗌返微糖少冰。估唔到杯烏龍茶幾好飲喎，首先夠哂凍消暑，第二甜度啱啱好，最後就係陣炭燒味好香🤤。依方面比較難得，唔係周圍飲到。另外，我買咗包珍珠黑糖厚奶風味爆谷(原價$24)。自己本身幾鍾意食爆谷，特別係甜嘅口味。每粒爆谷都均勻地黏上厚厚嘅黑糖，食落甜甜脆脆的😋。不過份量唔算太多，性價比唔高。總括嚟講，呢間茶飲店唔錯啵，依日淨係試咗炭燒烏龍茶，有機會試下其他先😊。以銅鑼灣大街小店來講，價格定位都算大眾化啊，而且記住用App買😛。