川婆婆 (利園山道) (Closed)

銅鑼灣利園山道5號有一間食酸辣嘢嘅川婆婆食店，佢嘅位置方便，但係食物嘅價錢就相當平民化。妹妹好鍾意食酸辣魚，我哋shopping完見到舖頭坐咗唔少食客，就入去食。我哋叫咗個酸辣魚（BB辣），辣嘅程度唔係太厲害，我哋都接受到，酸辣魚大大碗，裏面有好多配菜，好似芽菜、蓮藕、酸菜等，魚片都有好多，魚片味道鮮美，酸酸辣辣的，十分開胃。我哋又叫咗個手撕雞拉麵，雞嘅份量有好多，雞嘅皮嘅脂肪很少，雞肉煙煙韌韌，拉麵好大碗，加埋啲酸汁，青瓜係一個唔錯嘅選擇。我哋又叫咗一個紅油抄手，估唔到裏面有大大隻蝦，加埋啲辣油酸汁，十分好味。我鍾意食黃豆產品，見到有個反斗墨魚膠豆卜，我哋都叫咗一客試食，大大粒嘅豆卜釀左彈牙嘅墨魚膠，炸到脆卜卜，好食。我都好鍾意飲川婆婆嘅豆漿，唔係太甜豆味濃郁，十分推薦。