蘇山雞飯

Open Now

Now Closed

飯腳最喜歡食海南雞飯，咁岩去開附近就拜訪下好多人推介既蘇山雞飯。睇過Ｄ相好似都幾吸引，價錢夠平民，餐廳內既環境都算有特色，不過一入到去就覺得有點反差。雖然裝修都叫有落過心機，不過衛生情況就如茶餐廳水平，地下有水漬，坐位有毛髮，希望餐廳可以改進樓面情況。星洲叻沙摻摻 星馬菜必點叻沙，材料豐富，有２隻青口，２隻蝦，豆卜，雞蛋，魚片，仲有其他配料。比較特別既係呢到可以食到摻摻，即係「兩溝」咁解，有油麵同米粉，湯底味道濃郁又唔咸，賣相亦都算唔錯。牛油咖央多士極度邪惡既超厚底牛油咖央多係每枱必點咁濟，食完真係萬分悔意，不過食落又真係幾好味，烘底既多士外脆內軟，加埋塊牛油，口感滑溜，一咬就成舊牛油咇晒出黎，食得非常動感。招牌海南雞飯反而覺得招牌菜就一般，佢賣相及擺盤都算幾吸引，但係食落就麻麻地。首先當日既油飯半生半熟，米飯都未熟晒就趕住上枱，亦都聞唔到椰汁香味。餐廳供應三黃雞及文昌雞，雞較為肥美，雞皮厚，脂肪多，味道一般，個人口味偏向瘦雞，食落無咁肥。參巴醬通菜跟餐+$20 有一碗，份量都算多，加埋參巴醬開胃。整體而言，不過不失，價錢親民，可以一試。