經過油塘 見到呢間餐廳門口有賣冬甩 就俾佢吸引咗停低腳步 望完餐牌就決定同友人入去試吓😮
餐廳除咗可以食門口嘅冬甩之外 最吸引到我嘅就係沖繩二段定食 有烏冬或者炊飯選擇 定食仲有主菜飲品同甜品😆
1
牛油蜜糖芥末黑椒炸雞
炸雞數量幾多 可惜炸雞都炸得太乾身 冇乜肉汁🥺 洋蔥就比較好食 甜得嚟又有黑椒味
壽喜燒魚柳
呢個好普通 魚柳就係一般嘅雪藏魚柳味 壽喜燒嘅味就就唔係好食得出 椰菜亦比較硬身 整體味道比較淡🐟
番茄芝士炊飯
呢個好有驚喜🥰 每粒飯粒都俾番茄汁包住 雖然番茄同芝士味都比較淡 俾係炊飯質感唔會太腍 又唔會太硬🍅
飲品 冷&熱黑糖菊花茶
冷嘅菊花茶就比較甜 熱嘅可以自己落黑糖 所以可以按自己口味調校適合嘅甜度🤣
沖繩海鹽焦糖冬甩雪糕
食完咁豐富嘅一餐 當然要食埋呢間餐廳嘅招牌食物🍩 冬甩口感煙韌 配埋雪糕食就好夾啦🍦
整餐最出色嘅就係炊飯同冬甩雪糕 真係喺第二度比較難搵🙊
