Video
Read full review
2019-06-07
178 views
同朋友去完K11行街街，搵到間隱蔽餐廳喺2樓K11 Natural入面，餐廳名都好特別叫「野玩田🌱」，聽個名都估到以「田」為主題，門口仲種咗好多迷你菜，全部自家製有機菜，唔好以為只係普通擺設，呢啲迷你菜就係每碟菜旁邊嘅伴碟☘🍀，可以俾你新鮮品嚐到。餐廳都走簡單樸素風格，全部都係木製餐檯餐椅，中間有張大餐檯仲擺滿綠色植物🌱🌴🌿，俾人感覺好清新舒服，充滿田原的氣息。呢度啱晒崇尚健康嘅朋友，因為呢度食嘅都係超級食物，超級食物比一般食品營養價值更豐富。同埋呢度都講求彩虹飲食法，相信有啲朋友都聽過係咩嚟，就係喺紅、橙、黃、綠、青、紫以及白唔同顏色攝取蔬果，非常健康。一坐低無耐，店員已經主動拎一籃餐包🍞過嚟，餐包鬆軟，仲有脆卜卜嘅脆條。小食方面點咗個雞肉墨西哥餡餅🌯，其實都唔算小食，因為個份量都幾多，有6件，香烤嘅餡餅夾住嫩滑嘅雞肉🐔，新鮮嘅蔬菜🥗，洋蔥等材料，咬落去好juicy，客人仲可以隨自己好味揀選醬汁，有牛油果醬、酸忌廉同埋蕃茄醬🍅。炸蟹餅配芒果乳酪係新菜式，脆炸嘅表皮配點點芒果乳酪，味道酸酸哋，幾醒胃，咬落去熱辣辣，仲啖啖蟹肉，真材實料。主角韓式和牛面配韓式牛肉汁真係不得不介紹，牛肉非常
同朋友去完K11行街街，搵到間隱蔽餐廳喺2樓K11 Natural入面，餐廳名都好特別叫「野玩田🌱」，聽個名都估到以「田」為主題，門口仲種咗好多迷你菜，全部自家製有機菜，唔好以為只係普通擺設，呢啲迷你菜就係每碟菜旁邊嘅伴碟☘🍀，可以俾你新鮮品嚐到。
餐廳都走簡單樸素風格，全部都係木製餐檯餐椅，中間有張大餐檯仲擺滿綠色植物🌱🌴🌿，俾人感覺好清新舒服，充滿田原的氣息。
呢度啱晒崇尚健康嘅朋友，因為呢度食嘅都係超級食物，超級食物比一般食品營養價值更豐富。同埋呢度都講求彩虹飲食法，相信有啲朋友都聽過係咩嚟，就係喺紅、橙、黃、綠、青、紫以及白唔同顏色攝取蔬果，非常健康。
一坐低無耐，店員已經主動拎一籃餐包🍞過嚟，餐包鬆軟，仲有脆卜卜嘅脆條。
小食方面點咗個雞肉墨西哥餡餅🌯，其實都唔算小食，因為個份量都幾多，有6件，香烤嘅餡餅夾住嫩滑嘅雞肉🐔，新鮮嘅蔬菜🥗，洋蔥等材料，咬落去好juicy，客人仲可以隨自己好味揀選醬汁，有牛油果醬、酸忌廉同埋蕃茄醬🍅。
炸蟹餅配芒果乳酪係新菜式，脆炸嘅表皮配點點芒果乳酪，味道酸酸哋，幾醒胃，咬落去熱辣辣，仲啖啖蟹肉，真材實料。
主角韓式和牛面配韓式牛肉汁真係不得不介紹，牛肉非常滑身，入口稔滑，配合韓式牛肉汁真係美味非常。韓式食物當然唔少得泡菜啦，食得辣嘅都可以試下佢嘅泡菜。
Signature Drinks有好多款🍹🍸，見到餐牌款款都好靚好想試，店員見我哋十五十六，於是就介紹我哋飲Yellow Pineapple tree，佢話個個一飲都會愛上。果然無介紹錯，真係好好飲，好大杯嘅菠蘿沙冰🍍，仲係用真菠蘿打出嚟嘅沙冰，感覺好fresh，菠蘿又香又甜，你絕對會愛上呢！
餐廳仲有特別優惠，7:45之前離座可享有全單75折，相當抵食！
Post
