店內空間寬敞，圓枱好有大排檔、好地道嘅感覺。
食品款式唔多，fit哂選擇困難症嘅我。
兩個人叫左三款野食：
煎脆邊蛋肉餅飯$30喜歡太陽蛋撈飯，加埋甜豉油令碗飯唔會好寡。肉飯都多肥豬肉，應該係肉餅愛號者嘅精髓。好味但唔算驚喜。
咖央多士$20新鮮烘起嘅麵包，夾上半溶化嘅牛油同咖央醬，外熱內冷令口感好有層次。多士甜度適中，食兩件都唔覺膩。
肉骨茶配小籠包$20好重胡椒味嘅肉骨茶，辣辣地幾開胃。小籠包皮厚度適中，咬落好多汁，冇諗過兩樣夾埋都幾match。
總結：
價錢合埋，份量細細碗但唔貴，岩哂兩三個朋友叫幾樣share試下味。雖然地方唔太就腳，但三點來到座位都有7成full，係小店嘅吸引力！
