探客 (Closed)

今日食左一個唔係咁好味lunch，咪同同事走左去探客買返杯野飲黎平衡一下。去就問個哥哥有無出「特別既熱飲」，但旺角店仲未出，已經等左三個星期了。我地又睇下今日有咩做優惠，我見到我至愛既「玫瑰烏龍奶蓋」，平時$26，今日$20。玫瑰味好香，但又飲得出烏龍既茶味，奶蓋香滑而不膩，呢杯飲品係我心目中係100分。而同事就叫左我第二最愛「鮮檸檬綠茶」，呢期都keep住做優惠$16。鮮檸檬係青檸max with 黃色檸檬，而份量足足有一個檸檬咁多，綠茶清香，食完肥膩後必飲之選！正準備離開既時候，哥哥拎左一杯紫色既飲品叫我地試試，一掂落杯原來係熱飲，然後飲左一啖，好香好濃既紫薯味道，唔會太甜，奶味都剛剛，我同另外兩位同事一致都喜歡，然後今日無叫嘢飲個位同事就變左有免費飲品。好期待探客會出一d特色熱飲比我地！