Video
Read full review
2018-12-09
354 views
我媽媽向來食得健康，屋企平時已經會係明德商場間素食店買材料返屋企煮，買到明德商場個呀姨都認得我地，仲會送野俾我地添。將軍澳TKO Gateway 最近都新開左間素食店，叫清心齋，一路都想搵機會黎試下。機會黎啦，飛雲！今日，我屋企個駐米大蟲懶妹豬，起左身唔願出街食野，老點我出街去幫佢買外賣俾佢食，由我拍板食咩，XD有好西齊齊試，有屎齊齊食，咁先係好姐妹呀嘛！係TKO Gateway果邊我係新樂園買左個水餃麵之外，另外，就係呢度大肆掃貨，諗住拎黎做Lunch，同埋留返D俾媽媽夜晚試。糕點1件$7，4件就$24，我呢份兼職家庭主婦就咩味都叫D黎試下，叫左桂花糕、芋頭糕、芝麻糕同紅豆糕。D糕都幾煙煙韌韌，同唔算係好甜，感覺好健康。桂花糕陣味幾清香，仲可以食到少少花；芋頭糕入面真係有芋頭粒，相對黎講係較甜果款，幾有咬口，幾得意好食；芝麻糕比我想像中重芝麻味，但我不嬲都鐘意係芝麻，自然係Like；紅豆糕入面粒粒紅豆，都幾充料。叫左碗熱豆花黎食，._.豆花好滑同好香豆味，店家話成日有人掛隊等買豆花，唔係無佢道理。而佢GE豆漿都非常OK！又滑又香豆味，我GE白滑皮膚之進代路就交俾你地啦！叫左盒齋魯味(
我媽媽向來食得健康，屋企平時已經會係明德商場間素食店買材料返屋企煮，買到明德商場個呀姨都認得我地，仲會送野俾我地添。將軍澳TKO Gateway 最近都新開左間素食店，叫清心齋，一路都想搵機會黎試下。機會黎啦，飛雲！今日，我屋企個駐米大蟲懶妹豬，起左身唔願出街食野，老點我出街去幫佢買外賣俾佢食，由我拍板食咩，XD有好西齊齊試，有屎齊齊食，咁先係好姐妹呀嘛！係TKO Gateway果邊我係新樂園買左個水餃麵之外，另外，就係呢度大肆掃貨，諗住拎黎做Lunch，同埋留返D俾媽媽夜晚試。
糕點1件$7，4件就$24，我呢份兼職家庭主婦就咩味都叫D黎試下，叫左桂花糕、芋頭糕、芝麻糕同紅豆糕。D糕都幾煙煙韌韌，同唔算係好甜，感覺好健康。桂花糕陣味幾清香，仲可以食到少少花；芋頭糕入面真係有芋頭粒，相對黎講係較甜果款，幾有咬口，幾得意好食；芝麻糕比我想像中重芝麻味，但我不嬲都鐘意係芝麻，自然係Like；紅豆糕入面粒粒紅豆，都幾充料。
叫左碗熱豆花黎食，._.豆花好滑同好香豆味，店家話成日有人掛隊等買豆花，唔係無佢道理。而佢GE豆漿都非常OK！又滑又香豆味，我GE白滑皮膚之進代路就交俾你地啦！
叫左盒齋魯味(大)黎送麵食，由左起有齋燒鵝、咖哩齋、蠔油齋同甜酸齋，咁多款入面我最鐘意食齋燒鵝，有口感，而且調味剛好。其他齋都煙煙韌韌，味道同其他齋鋪水準差唔多，都唔錯。
腐皮卷好好食，入面有好多蔬菜餡，紅蘿蔔、木耳、沙葛、冬菇等，因為有沙葛同冬菇，腐皮卷口感大增，帶少少爽口，同有D肉GE口感，而所有食材Mix埋有種菜蔬GE鮮甜，好好食！綜合黎講，腐皮卷、豆花、齋燒鵝同芋頭糕係今次我同呀妹GE Top 4 之選！
Post
