Video
Read full review
2017-12-29
680 views
潮流興懷舊，冰室、點心車、古早小吃等等，只要新上場店鋪有以上其一要點，必定成為打卡熱點。最近，網上你一定見過這間滿佈70年代香港裝潢的九龍城冰室，人人都拿著那杯懷舊杯子的凍奶茶來打打卡，我同朋友都唔例外，作為走在時代尖端的年輕人，當然要朝朝聖，打打卡吧。一到店面，確是有花心機，九龍城街景路牌，霓虹燈招牌，充滿懷舊氣息。吊掛式風扇，更添味道。我們是晚上七時半左右到達，原來晚市是只供應小菜、套餐而不供應茶餐、小食，如果真是想體驗茶檔風味，都可以單點麵食（是出前一丁），否則是午市來朝聖。以上餐牌列有多款小菜，款式普通，都是家常小菜，價錢由$78至$188不等，唔算抵食。如果想抵玩D，可以叫個餐，樓上係個二人餐，三個小菜、兩湯兩飯，唔想飲湯轉飲品都可以，都係$288，相對單點比較便宜。雖然兩人餐抵D，但真心兩個女仔唔會食得哂，結果只係單點了兩個小菜。先來一碟金銀蛋浸豆苗（$108），豆苗不錯，幼嫰沒渣，但金銀蛋味道唔出，沒為豆苗增加蛋香味，它像是普通一碟有味的湯浸菜苗。題外話，筷子也用了懷舊味濃的百年好合，頗有心思。另外見天氣凍凍地，叫了風沙雞（半隻/$138），貪其辣辣地夠惹味，一上桌都相當
一到店面，確是有花心機，九龍城街景路牌，霓虹燈招牌，充滿懷舊氣息。吊掛式風扇，更添味道。
我們是晚上七時半左右到達，原來晚市是只供應小菜、套餐而不供應茶餐、小食，如果真是想體驗茶檔風味，都可以單點麵食（是出前一丁），否則是午市來朝聖。以上餐牌列有多款小菜，款式普通，都是家常小菜，價錢由$78至$188不等，唔算抵食。
如果想抵玩D，可以叫個餐，樓上係個二人餐，三個小菜、兩湯兩飯，唔想飲湯轉飲品都可以，都係$288，相對單點比較便宜。
雖然兩人餐抵D，但真心兩個女仔唔會食得哂，結果只係單點了兩個小菜。先來一碟金銀蛋浸豆苗（$108），豆苗不錯，幼嫰沒渣，但金銀蛋味道唔出，沒為豆苗增加蛋香味，它像是普通一碟有味的湯浸菜苗。題外話，筷子也用了懷舊味濃的百年好合，頗有心思。
另外見天氣凍凍地，叫了風沙雞（半隻/$138），貪其辣辣地夠惹味，一上桌都相當夠份量，雞皮夠薄夠脆，蒜椒粒乾身唔油，唯獨雞肉有點過老鞋口，但味道可以，唔會太濃，伴飯不錯。
臨走時叫了一杯凍奶茶外賣，真心唔多得，奶太多，茶味唔夠，凍奶茶唔凍（我冇叫走冰），室溫溫度，作為茶檔，奶茶唔好咁樣真心唔多Ok。話就話自己係茶檔，但主打卻係小菜，唔係難食，但係感覺唔多好，食茶餐都係過隔離食聯發算。
Post
