濟州燒肉食堂

Open Now

Now Closed

太愛韓國，以往每年都要「回鄉」，好可惜呢兩年都冇得出外旅行，唯有寄情韓國美食，最近搵到間唔錯嘅韓國餐廳，平時食開尖沙咀，今次嚟北角，居然都有間幾正宗嘅韓國餐廳！呢間餐廳開到名義叫濟州，因為佢嘅賣點係有濟肉豬，我今次同朋友午餐時間去，人流都算多，所以早啲預約會好啲，午餐時段可以食韓燒或者套餐，燒唔燒到得，我哋今次就揀咗韓燒！一入到餐廳，呢度居然係有window seat，嘩真心覺得好正，環境超舒服，仲有少少海景，為同位之間都闊落，所以完全冇壓迫咁。我哋叫咗個二人套餐，價錢算中上，我覺得三人食都夠晒，佢嘅牛同埋豬腩肉係超正，肥美林甜，而且肉質鮮行，絕對係新鮮靚肉，咬落去超Juicy！個套餐除咗燒肉之外仲會跟粉絲或者大醬湯，我哋叫咗一份大醬湯，店員推介佢話係跟足韓國餐廳嘅做法，果然味道一流，始終足我哋喺濟州食嘅味道！另外套餐包兩杯特飲，我哋覺得天口熱所以特別叫梅子梳打甜甜酸酸好開胃！特別一提佢嘅餐前小食好好食，最鍾意食佢嘅泡菜，仲可以無限添加！下次再嚟試吓佢嘅套餐，環境真係非常之好！