Lemon Grass Thai & BBQ (Closed)

之前黎過一之已經對佢評價點知依日掛住同同事傾計，就又再走左入黎。無法啦，都入左黎就俾多次機會佢。我叫左個煎蛋肉碎飯，飲洛神花茶。煎蛋好正常無事，肉碎調味都ok,辣辣地，幾惹味，但d飯真係唔得囉，又硬又乾。其實飯就唔係個個都鐘意食，但我叫個個係肉碎，飯係一個好重要既搭檔，d飯咁硬真係大打折扣！坐對面既同事食咖哩牛坑腩絲苗飯，佢都話d飯硬，需知道，食咖哩時飯都好重要！點解連基本煲一煲飯都煲唔合格如果主菜做得唔差，而因為個飯而扣分，希望佢知道後改善。我相信效果會大大不同！另外，我點左杯熱既洛神花茶，唔甜唔緊要，不過味道太淡......因為去個時都仲係9月，三十幾度，裡面唔夠冷氣，好熱