鳳鳴石磨腸粉 (觀塘廣場) (Closed)

黎到觀塘黃店林立，一定要支持下黃色經濟圈，最近石磨腸粉又係大熱，所以黎試吓呢間係觀塘廣場既石磨腸粉黃店🤤一嚟到就見到門口有幾個人喺度等緊野食，見到餐牌都幾多選擇，腸粉仲可以改做紅米或者黑米，鍾意健康嘅朋友仔就要試吓啦😉我就叫咗個7號餐雞蛋豬肉改做紅米腸，跟餐嘅話會配埋6粒燒賣同埋野飲，個人認為石磨腸粉要配雞蛋，因為雞蛋可以提升腸粉口感層次同埋香好多，今次配個豬肉碎同樣都非常之香，你嘅豬肉都唔會話係啲好老或者好肥嘅豬肉，兩隻色鐘所以配合得相當唔錯👍🏻👍🏻至於腸粉，之前試過普通白腸粉就覺得好滑，但今次紅米腸就相對差d，係有啲紅米香嘅但成個配搭起上嚟就有少少奇怪🤔大家可以因應個人喜好配搭返配料同腸粉😉燒賣就普普通通魚肉燒賣，不過不失啦😂同埋佢可以自己加配料，有個辣粉/炸蒜/芫荽，不過石磨腸粉係即製嘅，所以要預返5分鐘時間等候啦😉佢嘅自家製既飲品就相當不得了啦，選擇都幾多嘅有豆漿，竹蔗茅根同埋我呢個紅棗桂圓茶（仲有一個唔記得咗）佢哋標榜豆漿係用石磨機製成，上次飲過都的確好滑，今次呢個紅棗桂圓茶同樣清香，仲有粒紅棗同埋龍眼肉係入面，紅棗仲要冇核非常之貼心🤪同埋相信都係自家煲嘅，因為豆漿同埋桂圓茶