天吉屋 (Closed)

同朋友一行四人到旺角食飯 見到新鋪開張蠢蠢欲試 好彩本身我地唔肚餓 如果唔係咁排隊法真係會燥底。 事關我地由6點半排到9點先入到場，七點鐘左右已經見到保安截龍。建議黎食都係揀下午茶時間。食物方面 前菜沙律任加，係日式芝麻醬沙律，而漬物好好食 有牛蒡同羅白，非常開胃。一個餐既份量其實都幾多，分分鐘夠兩個細食既人食。例牌有麵豉湯，冇咩特別。不過天婦羅就差左少少 唔夠脆身同爽，如果兩個人食一個餐，百零蚊呢個質素係算高水準。整體黎講 ok 收貨。