許願樹美食 (Closed)

之前有幫襯開許願樹長沙灣分店，但通常都是叫外賣，落完order過十幾、二十分鐘後去取，有時和及同事朋友睇波，都是我們至愛之一。（ 長沙灣店已搬遷至此新分店）今次剛過開嚟深水埗，再試一試手勢，碰巧撞到佢老細，閒談之下，他說，兩個大師傅現時都坐陣深水埗分店，其實老細以前都係師傅，而家可能好少出手燒啦！ （喺門口著住件廚房佬衫收錢，嗰個就係老細之一） 可以提一提，這裡是用一些男廚房師傅幫忙煮串燒，不是像有些店， 隨便一個姐姐，就進去燒，『殺雞焉用牛刀』 串燒食物上嘅厚度，爐不同位置嘅溫度，每種食材燒嘅時間，反轉面燒嘅時間和次數，都有一定技巧，如果真係用上大師傅，可能大材小用一點，但係出嚟效果肯定不一樣。食品串燒整體上合格以上，這類川式改良版串燒，價錢當然沒有得和深圳比，算中等多小小， 但之前舊店是有個$238任食，大食嘅的人或當正餐食可以考慮。 牛肉串和羊肉串-都是用一些肥牛肥羊摺疊來串起，羊肉羊騷味淡有人愛有人不愛，脂肪和肉配合又juice有趙口， 對於生酮嘅我就很喜歡，不過偏鹹了一點。但如果喜歡牛柳呀！牛肉片！這就不是， 但許願樹都有安格斯，今次沒有試到。 燒脆鯇腩-就勁多