餃掂手工餃子雲吞專門店 (Closed)

之前幫襯過一次餃掂手工餃子專門店，估唔到現在越開越多分店，港九周圍總有一間在左近，今次經開太子原來都有分店，所以就去幫襯下啦！Shopping 完畢一袋二袋，一入店，店內姐姐就安排我哋坐餐廳最入位置，方便我哋又唔怕阻到其他食客，又會介紹我哋有咩好食，貼心又有禮貌，值得一讚！餃掂最出名係松茸餃系列，一場嚟到梗係要必食下啦！我點了至尊松茸豬肉餃，跟狀元九鼎湯！煎餃子入口皮薄脆香，松茸足料且香，肉汁多帶松茸香，沾上配有的醬料入口更香兼惹味就算款式比較普通的粟米豬肉餃味道也不普通，粟米豬肉餡多到爆，粟米甜，肉汁多，餃子美味在包的手工卻只此一家。另外點了蜜餞雞翼，新鮮即煎，皮脆肉嫩，肉汁豐富，沾上蜜糖，甜而不膩。