至於食物都有一定嘅水準㗎，等我講比大家聽下啦！
卡邦尼炒年糕係一個幾特別嘅菜式，因為卡邦尼好似唔屬於韓國，但係佢將呢個做法加落韓式年糕到，係一個幾唔錯嘅嘗試黎💪🏻，因為本來年糕無味架嘛，但係呢個整法就令年粒有少少cream味，雖然賣相麻麻，但係食落就好好味，所以可以叫黎試下👍🏻👍🏻！
莫索里拉芝士排
骨又好似係mix嘅煮法，排骨上面有溶左嘅芝士，雖然話就話係排骨，但係其實有好多肉係裡面，不過牙力要有番咁上下至得🙈🙈。
韓式泡菜燒腩肉...就能夠代表到韓國🇰🇷啦！泡菜醃製得好好，有辣味又有少少酸味，好開胃啊！燒腩肉都好整得軟熟，半肥瘦恰到好處，另外仲加送薯條🍟添。
芝士餅雪冰係一個甜食，好多韓國人都會食冰，雖然唔知點解，但作為甜品都係一個唔錯選擇，而且仲有芝士餅、士多啤梨同藍莓呢啲水果係上面，唔錯👍🏻！
希望大家都消費多少少，幫助下各界啦🙇🏻♂️🙇🏻♂️！
