麻王 (Closed)

之前上網見到炮台山嗰邊新開咗間麻辣嘢，今日難得嚟到呢邊就去試吓先。近排天氣又熱返，飲返罐可樂嘆吓先。麻辣鴨血雖然望落好多辣粉，但食落其實唔算好辣。鴨血厚切，食落好嫩滑有口感。紅油抄手辣味夠重，食落好刺激，中間餡料十足，咬落好爽口。水煮蜆鋪滿成隻碗份量十足，味道好鮮甜。粗紅薯粉比較厚身，食落有點黏口，仲好煙韌有口感。另外有啲類似車仔麵方式嘅粉麵，今次我哋揀咗三餸配一幼紅薯粉。白蘿蔔用湯煲過，食落好清甜。雲吞餡係用鮮蝦整，咬落爽口彈牙。鴨血依然都係嫩滑好juicy。