原本想挑戰地獄級嘅辣度，但最後都臨時縮沙，都系選咗中辣試試先。
兩只太陽蛋煎得恰到好處，煎到外酥內嫩，蛋黃微微流動，增加口感嘅層次。而鮮嫩嘅肉碎配上香葉和辣椒碎增添咗辣度和香氣，使到整個口感極為豐富。
➰ 生炸蝦餅
蝦餅外層炸到非常金黃酥脆，而裡面嘅蝦肉夠曬鮮嫩多汁兼極之彈牙，再配埋泰式甜辣醬，好味到停唔到口。
➰ 椰青
食咗辣嘅肉碎煎蛋飯，梗系要飲番個椰青嚟中和一下。 呢個椰青夠曬多椰青水，清澈透心涼，而椰肉充滿著椰香，口感清甜爽口。
➰ 芒果糯米飯配雪糕
呢個芒果糯米飯配咗兩大球雲呢拿雪糕，夠曬透心涼，而糯米飯又好煙靭，再加埋香甜嘅芒果肉粒粒，真系絕佳嘅飯後甜品。
