滷川長 (沙田廣場) (Closed)

放工經過沙田廣場，發現原來近火車站嗰邊多咗好多細嘅食肆，以小食同外賣為主打，買走好方便，迎合而家疫情嘅香港人。其中一間滷川長外面有唔少人圍住，於是就行過去望吓，發現原來喺沙田開嘅新分店，轉做滷味外賣。原來滷川長係香港品牌，可能睇得出越黎越多香港人好食得辣，個市場擴充緊。以前食辣驚係d食物唔新鮮所以先用好辣既醬蓋住，但滷川長係香港本地每日新鮮製造，標榜無添加防腐劑同埋人造色素，咁就食得安心好多。裝修簡潔帶古典風，用木牌喺牆上掛着餐牌，明碼實價真空餸包周熱食就係玻璃櫃，有店員服務。岩岩尋日先食完雞所以買鴨，下次要試下招牌既口水雞另一邊係一盒盒小食，即開即食。建議即開凍食，但翻熱都可以。今日仲有六折！對於食物消費力極強既我當然唔執輸買左d返去試，分別係煙燻鴨、麻辣牛筋腩、番尋味鴨掌同埋香辣蝦醬。煙燻鴨連袋放入熱水浸8分鐘就食得，非常方便。煮出嚟隻鴨都好大隻下，四個人都夠食。係要考考屋企人嘅斬工姐隻鴨超級厚肉多汁，食得出淡淡煙熏味，滷水夠入味又唔會過鹹，回頭率高另一盒係煮食底料，買斤游水蝦返嚟洗乾淨，加埋嗰張兜一兜就係一個餸。再懶啲嘅話可以買冰嘅盒裝虎蝦，反正香辣蝦醬味道濃，一定唔會食到雪味，