優豪方火鍋料理 (Moved) New Location

天氣轉涼又係時候去拾下拾下啦，今次係由雞地地膽帶我地去搵食，佢話去間價錢大眾化d既。一入到去，d姐姐好歡迎我地，仲問我地包唔包間房一邊拾一邊唱k咁，我地話齋拾就拒絕左佢地。之後點野食，選擇都算多，我地點左個沙巴龍躉孖寶湯底，湯底揀左YOHO海鮮豬骨鍋，另外再叫左個日本A4和牛同A級安格斯肥牛，加d邊爐必嗌野食咁。先講下個湯底，我覺得比較重胡椒粉味，不過打打下加左上湯溝稀左好d，而d海鮮都算新鮮既，仲要分量都多，個龍躉就真係幾滑同好食，好值得👍🏻👍🏻👍🏻至於d牛，其實個賣相好，但食落冇咩特別，同普通肥牛應該差唔遠，而其他野食都係一般啦，但係有窩筍嗌就比較少，而佢食落好爽口。總括黎講都係ok既。