醉胡爐 (Moved) New Location

天氣凍左咁多，即刻約同事放工去打邊爐，揀左位於尖沙咀既醉胡爐，大大個招牌好易認。餐廳環境闊落，卡位坐得舒服，又夠地方擺野食。今晚試左個招牌鮮椰青雞鍋，店員先用牛油炒香雞件再贊酒，火焰效果好吸晴！之後再將成個新鮮椰青水倒入，金黃色既湯頭夠哂鮮甜，滋補又養生，忍唔住飲左幾碗！雞件仲好嫩滑，啖啖肉好正～黑松露蟹肉餃有齊我鍾意既黑松露同蟹肉，見到即嗌！入口好重松露香，絲絲蟹肉好彈牙，仲夾雜菇粒。黑松露墨魚丸 有得揀半份，即4粒，岩哂二人份量，充滿黑松露香，食落爽口又彈牙。手打香茜炸菜牛丸味道香濃，夠哂Juicy。竹蔗茅根打邊爐點少得竹蔗茅根水，清熱又解渴。