鳳華路邊雞飯店 (Closed)

去到九龍城，唔食泰，唔食潮，試新嘢，食路邊雞，（係唔係客家菜呢？），有兩間，另一間要等位，去左呢間。諗住呢啲老字號，都會有番咁上下啦。原來都只係一般而已。叫得路邊雞梗係要食雞啦，半只霸王雞，再加碟豬手，仲有竹笙魚肚浸勝瓜，最後叫多個天麻燉魚頭。 但雞就真係令人失望，無雞味，肉質鬆散，做得個招牌菜，你點都要做好啲啦，雞肉點都要嫩滑下話。反而豬手有驚喜，老婆唔食芫荽，佢竟然將芫荽切到好細粒，加落醬汁度，老婆雖然知道有芫荽，但竟然入到口，仲話汁好味。而個浸勝瓜無乜特別，反而個燉湯好足料，好香 。