Video
Read full review
2018-04-12
454 views
🍴牛油果鮮乳地瓜小芋圓雖然平時小編好唔鍾意牛油果浸味，但見到是日推介呢四個字就忍唔住試吓。呢一杯野飲就比想像中好飲。牛油果味都幾香，但就唔算好重草青味，而且間中可以食到一粒粒嘅牛油果，口感都算幾豐富。不過由於加左牛油果，所以飲品嘅飽肚咁都幾重下。另外佢哋而家推出左一隻新嘅地瓜小芋圓，即係地瓜圓mix小芋圓，不過目測地瓜小芋圓嘅份量就比以往就咁小芋圓俾得少。地瓜圓既番薯味真係好突出，至於小芋圓方面小編就覺得好似退步左少少，不過兩者嘅口感都同以往一樣做得咁煙韌。🍴草莓鮮乳小芋圓評分：7/10講真其實飲品嘅味道真係唔錯，本來諗住遲啲都會返轉頭再幫襯㗎！不過衛生真係麻麻囉🌚首先就介紹左今次嘅飲品先啦，因為小編叫咗少甜嘅關係所以飲品都偏向比較酸少少（個人覺得咁樣更加好飲），飲品嘅草莓味真係好香，而且加埋下面啲奶一齊飲就更加似飲緊草莓奶嘅感覺，味道真係唔錯架！而且仲有少量嘅草莓肉喺度添。至於最期待嘅小芋圓亦冇令小編失望，口感真係超煙韌丫，而且仲可以咬到芋頭粒添，不過芋頭味小編覺得有待加強。🍴海鹽雲頂藍莓鮮乳小芋圓首先藍莓鮮乳小芋圓嗰浸藍莓味小編覺得有啲似HäagenDazs藍莓雪糕嘅味道，所以簡單
牛油果鮮乳地瓜小芋圓
$30
70 views
1 likes
0 comments
🍴牛油果鮮乳地瓜小芋圓
雖然平時小編好唔鍾意牛油果浸味，但見到是日推介呢四個字就忍唔住試吓。
呢一杯野飲就比想像中好飲。牛油果味都幾香，但就唔算好重草青味，而且間中可以食到一粒粒嘅牛油果，口感都算幾豐富。不過由於加左牛油果，所以飲品嘅飽肚咁都幾重下。
另外佢哋而家推出左一隻新嘅地瓜小芋圓，即係地瓜圓mix小芋圓，不過目測地瓜小芋圓嘅份量就比以往就咁小芋圓俾得少。地瓜圓既番薯味真係好突出，至於小芋圓方面小編就覺得好似退步左少少，不過兩者嘅口感都同以往一樣做得咁煙韌。
草莓鮮乳小芋圓
$28
66 views
1 likes
0 comments
🍴草莓鮮乳小芋圓
評分：7/10
講真其實飲品嘅味道真係唔錯，本來諗住遲啲都會返轉頭再幫襯㗎！不過衛生真係麻麻囉🌚
首先就介紹左今次嘅飲品先啦，因為小編叫咗少甜嘅關係所以飲品都偏向比較酸少少（個人覺得咁樣更加好飲），飲品嘅草莓味真係好香，而且加埋下面啲奶一齊飲就更加似飲緊草莓奶嘅感覺，味道真係唔錯架！而且仲有少量嘅草莓肉喺度添。至於最期待嘅小芋圓亦冇令小編失望，口感真係超煙韌丫，而且仲可以咬到芋頭粒添，不過芋頭味小編覺得有待加強。
海鹽雲頂藍莓鮮乳小芋圓
$33
92 views
0 likes
0 comments
🍴海鹽雲頂藍莓鮮乳小芋圓
首先藍莓鮮乳小芋圓嗰浸藍莓味小編覺得有啲似HäagenDazs藍莓雪糕嘅味道，所以簡單來講呢一杯飲品就係一杯HäagenDazs藍莓雪糕嘅飲品。而小芋圓方面，雖然芋頭味依然都係冇乜，不過就勝在今次裏面嘅芋頭粒夠多。
今次小編仲額外加左個海鹽雲頂尼試吓，味道方面小編就覺得有少少似雲呢拿味，甜中帶有少少鹹味，而且仲係雲頂上面加左少少焦糖醬喺度，令到整體嘅味道變得更豐富。
原朵玫瑰冠甜茶配白玉珍珠
$31
76 views
0 likes
0 comments
🍴原朵玫瑰冠甜茶配白玉珍珠
飲品一攞到上手估唔到裏面竟然真係會有一朵玫瑰花喺裏面。但味道方面小編就覺得唔算太特別，雖然佢係固定甜度，不過玫瑰冠甜茶入口剩係得個苦澀味。
除咗小芋圓好味之外，估唔到白玉珍珠都有驚喜，珍珠入口口感煙韌，而且珍珠本身煮得好入味。加埋一齊夾可以令到個茶底冇咁苦。
日式烤麻糬配可可醬
$15
46 views
0 likes
0 comments
🍴日式烤麻糬配可可醬
呢度嘅麻糬由於個外皮烤得夠乾身，所以入口有外脆內軟嘅感覺。不過小編略嫌可可醬既味道有啲霸道，完全蓋過左麻糬本身嘅香氣，不過幸好可可醬唔算太甜帶有少少苦味，如果想食唔係太甜嘅烤麻糬配可可醬絕對係一個好嘅選擇。
日式烤麻糬配抹茶醬
$15
68 views
0 likes
0 comments
🍴日式烤麻糬配抹茶醬
不過第二件嘅烤麻糬就有少少失望，冇左第一件嗰種外脆內軟嘅感覺，反而成個烤麻糬都好軟身，所以口感亦都比較軟糯。
另外抹茶醬嘅味道亦都係另一個失望位，抹茶醬入口一味得個甜字，完全食唔出有抺茶嘅香味，而且抹茶醬好脪，根本唔可以黐實個麻糬。
Post
