Video
Read full review
2010-10-20
5 views
凌晨【肥豪】見完保險經紀 , 十二點半搵我去宵夜 , 佢揸車系我樓下等 , 我又揸車同佢一齊出發。兩條傻佬分別揸兩部車好無聊 , 我帶頭去【發記】初體驗 , 將車求其泊系路邊 , 我地兩個人直闖入去 , 入面小貓兩三隻 , 只得一枱坐住一男一女 , 睇真o的原來係鋪負責人 , 睇佢地揸住架計數機木口木面 , 望住一大疊單據好似好愁咁 , 相信都係生意唔好 , 我仲同【肥豪】講笑 : 『可能諗緊頂手好定摺埋好...哈』。睇 Menu 【肥豪】本想食腸粉魚旦 , 但一睇個價錢當堂嚇襯 , HK$10 得四條腸粉 / 二隻卥水雞翼 , 人地 【B仔=佳記】及【泛后】都係HK$10 八條腸粉 / 四隻卥水雞翼 , 嘩...即係貴人地一倍 , 唔係咁誇張丫嘛?! 【肥豪】話肚餓照叫喎! 我就話咁貴唔好幫襯佢 , 陣間我請你去飲晚市中茶食點心。只叫左兩碗【楊枝甘露HK$26】 , 比【泛后】貴一元。因完全冇其他客關係 , 兩碗甜品好快上到枱。賣相唔錯碗係黑色碗格調高少少 , 食一啖味道唔錯喎! 不過係嫌碌柚肉太少 , 但芒果算係份量多及鮮甜 , 只係芒果兩三舊冇切絲 , 唔似一般切絲每湯匙都有少少
兩條傻佬分別揸兩部車好無聊 , 我帶頭去【發記】初體驗 , 將車求其泊系路邊 , 我地兩個人直闖
入去 , 入面小貓兩三隻 , 只得一枱坐住一男一女 , 睇真o的原來係鋪負責人 , 睇佢地揸住架計數機
木口木面 , 望住一大疊單據好似好愁咁 , 相信都係生意唔好 , 我仲同【肥豪】講笑 : 『可能諗緊頂
手好定摺埋好...哈』。
睇 Menu 【肥豪】本想食腸粉魚旦 , 但一睇個價錢當堂嚇襯 , HK$10 得四條腸粉 / 二隻卥水雞翼 ,
人地 【B仔=佳記】及【泛后】都係HK$10 八條腸粉 / 四隻卥水雞翼 , 嘩...即係貴人地一倍 , 唔係
咁誇張丫嘛?! 【肥豪】話肚餓照叫喎! 我就話咁貴唔好幫襯佢 , 陣間我請你去飲晚市中茶食點心。
只叫左兩碗【楊枝甘露HK$26】 , 比【泛后】貴一元。因完全冇其他客關係 , 兩碗甜品好快上到
枱。賣相唔錯碗係黑色碗格調高少少 , 食一啖味道唔錯喎! 不過係嫌碌柚肉太少 , 但芒果算係份量
多及鮮甜 , 只係芒果兩三舊冇切絲 , 唔似一般切絲每湯匙都有少少 , 咁食落先有混合口感。其實係
呢個問題唧 , 成碗楊枝甘露都算好味道 , 比【B仔=佳記】及【泛后】都好 , 但其他食物配對就唔
o岩食 , 所以下次都唔會再幫襯 , 除非下次齋想食碗【楊枝甘露】啦!
現在裝修好似 Cafe ' 咁 , 播放幾年前【衛蘭】o的歌 , 感覺 out 左少少 , 元朗人都係坐慣大排檔格
局 , 座位太低枱太淺窄 , 直接去深井果間食露天 feel 仲正。
現場幾個女侍應 , 門口後生女侍應服務唔錯 , 入面一個 C9 侍應就木口木面 , 突然擺低兩碗甜品就
走 , 冇話講聲:『楊枝甘露 , 兩碗唔該!』, 等客人有個準備都好嘛 , 如果唔小心大家有碰撞、倒瀉整
污漕就唔好啦 , 係咪?!
臨走時見陸續有幾枱客到場 , 有一枱三名 C9 叫左時興【刨冰類】, 我睇價錢係HK$39~45之間 , 我
真係唔多捨得食啦! 不過賣相真係好過【泛后】, 我就唔知好唔好食, 但見三個 C9 食得好滋味 , 應該
佢地都係食過好味翻啅多。
【肥豪】埋單HK$52元 , 之後揸車去水邊圍邨對面的士站 , 再飲中茶、食排骨飯及點心我請客 , 之後
離去各散回家。
Post