回來之後有時都好想回味一下，
今日就去銅鑼灣「老北京」回味一下烤鴨美味。
地點位於地鐵站附近，好方便同好容易就找到，
門面有中式牌匾、有一道大閘門作裝飾，
店內乾淨整潔，坐位闊絡，
仲有包廂房，適合私人聚會。
我地先點半隻北京烤鴨，
價錢已經包括餡皮、配料和醬汁，
烤鴨外皮香脆，烤得剛好不會過燶，
肉質嫩滑不會過老，食落不油膩，
質素方面可以話好味過北京全聚德（我未食過香港全聚德，但北京全聚德有點過份油膩，和外皮偏淋。）
配上青瓜、蔥絲、醬料，好美味！😋
另外點了一份高力豆沙，
紅豆餡同皮都不算太甜，
炸得金黃但不太油膩，不錯。
整體服務都好滿意，食物質素高，
結帳二人三百蚊左右，
日後會再來嚐下其他菜式。
