花火和食 (Closed)

見網上留言依間餐廳好平甚多，即管試一試佢個招牌吉列黑豚滑蛋丼，$98有啲貴。味噌湯同玄米茶，夠熱。碗飯一上枱，分量足夠，大大碗。但賣相真係差少少，啲蛋唔知用咩煮，點樣製作？望落去黑黑地，比起快餐店啲賣相差咗啲喎！吉列豬扒切開有六件，合理。滑蛋入面有洋蔥、蘑菇，好夠味！到主角吉列豬扒出場，一咬落口，成口油味，用咗低溫油炸，啲油儲晒喺塊豬扒入邊，同食油冇分別，超級中伏！環境唔錯，開揚，服務態度好好。不過廚房啲油煙味出晒嚟，希望多多改善。