好燒式串燒專門店 (大南街)

Open Now

Now Closed

太子依間「好燒式串燒專門店」依家做緊Promotion，大杯裝500mL Hoegaarden 生啤有買一送一優惠，真係帶俾大家好消息呀，雖然依度嘅串燒、海鮮定價比較高，但食物質素都唔錯嘅。*此餐廳收取加一服務費。蒜蓉燒蟶子王（兩隻$140），蟶子王幾大隻，大約有我大半隻手掌闊、一隻手掌多咁長，表面鋪滿蒜蓉、香蔥，蟶子肉質爽口，味道鮮甜，粉絲份量多。龍蝦汁大蝦意粉（單點$118），大蝦肉質彈牙，加上龍蝦汁，食落有雙重鮮味；扁意粉口感軟硬適中，但如果麵條嘅龍蝦汁味道更加濃厚會更好，配料包括有車厘茄，略嫌價錢偏貴，因為份量比較少。4件泰式炸蝦餅（單點$60），口感酥脆，但略嫌蝦滑部分蝦肉嘅比例應該比較少，食落偏粉稍欠彈牙，配以泰式甜辣醬食用，味道更佳。芝士煙肉焗大啡菇（單點$60），大啡菇食落好Juicy，配以芝士、煙肉食用，味道鹹香。原條蒜蓉燒茄子（單點$40），表面鋪滿蒜蓉、香蔥、孜然粉，茄子食落好惹味。蒜蓉燒蠔（單點$36），表面鋪有指天椒、蒜蓉、香蔥，生蠔食落好新鮮。白汁芝士燒蠔（單點$36），白汁嘅配搭令生蠔食落更加Creamy。2件燒日本芝士年糕（單點$26），口感外香脆內煙韌