滿江紅 (Closed)

其實本人唔係好食辣，不過男朋友話佢之前成日同家姐黎食覺得好好食，咁就一於試下啦。平時呢間店都唔係好起眼，門口好細，不過係要上樓上食既，入到去都幾好服務，環境坐得都舒服，我地坐兩人枱張枱都算大，都幾闊落，不過聽講呢間野轉過手，不過都係保持到水準既，我地兩個人淨係叫左兩碟野：水煮桂花魚+蒜蓉炒皇帝菜，另外再叫多兩碗白飯，仲有兩款小食係前菜。其實兩個人食已經好飽，因為個盆水煮桂花魚超大盆，裡面除左有魚之外仲有寬薯粉、荀、青瓜、豬紅同牙菜，幾欣賞佢個寬薯粉唔似出面食咁，特別厚身同本身有鹹鹹地既味，我覺得完全拍得住大陸食既水煮魚。另外，我都係第一次食炒皇帝菜，平時打邊爐食就食得多啦，味道都唔錯。