見咁多人等應該味道唔差吧~
Order形式好似車仔面咁, 剔想食既食物同面, 可以就咁叫送都可以
簡左生腸, 雞翼, 花枝丸,豬耳, 豬手配冬粉!
每樣送既份量都幾多, 可以下次叫少兩款, 雞翼幾入味同埋好大隻呀, 不過有d chewy, 可能煮太耐!
生腸幾彈牙! 花枝丸都有4舊, 墨魚味都幾濃! 豬手有d就好淋有d就好chewy, 但都可接受!
冬粉即係粉絲, 索哂d滷味汁, 好好味!
另外仲叫左個人氣爆漿蔥抓蛋餅, 內餡揀左芋泥肉鬆, 以為會好"漏", 但又唔會,仲愈食愈想食
好重芋頭味夾埋肉鬆少少咸咸地岩岩好!
飲品叫左黑糖珍珠奶茶, 唔會太甜, 珍珠都幾彈牙, 好飲!!
PS: 座位少少逼 要用地下既籃黎放野！
