我初頭試咗一啖，真係無味嘅⋯⋯再試，係有少少味，但係都係冇咩味。我決定打電話落去問清楚係咪俾少左包汁我。點知佢話可能啲汁已經俾個麵「朔晒」，所以睇唔到（又食唔到）⋯⋯佢話佢哋都鼓勵客人盡快食，但係我已經一買上嚟就即刻食，都係10幾分鐘內就已經冇晒味⋯⋯所以有D無奈。另外，椒鹽鯛魚醃製得比較鹹，炸粉好厚，可以食既魚肉真係好少，而麵既份量真係太太太少⋯⋯。價錢係正餐既價，份量係下午茶/輕食再少D⋯⋯（當我大食啦
）不過，呢間餐廳係值得讚嘅係我反映完之後個女仔轉頭再打俾我，同我講已經反映咗，而且同我講下次嚟嘅時候可以問攞多啲汁。雖然我未必幫襯多一次，但係我覺得佢嘅服務態度可能值得幾個月後，再想食台灣野再去多一次。希望會有明顯改善。（亦鼓勵可以用少個紙袋或者膠袋，環保D又可以俾多啖麵俾大家）
1
