名屋拉麵 (Closed)

荃灣好多好嘢食，今次我同朋友就揀咗嚟呢間日式餐廰食晚餐。嚟到雖然見到入面正位坐滿晒，但係效率夠高，我地等咗十分鐘左右就入得。碧綠翡翠拉麵($78) 我揀咗直麵軟身，咸味同蔥嘅份量都係正常。個名好有特色，而入面配料有菠菜、帶子、叉燒、溏心蛋、紫菜、黑色飛魚子、紅色飛魚子材料非常豐富，成碗麵都綠綠地色，有種好清新嘅感覺。味道方面，帶子刺身好鮮甜。叉燒係半肥瘦，溏水蛋個到流心、入味嘅感覺，而魚子帶黑松露，味道香之餘，為成個麵帶來鮮甜味，味道好有層次、特色。香辣雞翼($22) 有兩隻，雞翼燒得肉筫嫩滑，仲係充滿肉汁。而外皮脆身得嚟唔會焦，而且香辣味出眾，而辣度偏低，我本身唔食得辣都好享受，！辣味依然唔算好勁，適合一眾想食辣又唔食得嘅人。