泓一拉麵

Open Now

Now Closed

呢間之前係紅磡出晒名嘅拉麵店，曾經聽聞要排隊排足一個鐘，留意到佢哋最近係太子開分店，今日開門就到訪，人流屬於正常水平，keep住有人但未使要排長龍，大家可以趁人少少到訪🫶🏻佢哋主打雞湯拉麵，自己就比較鍾意地雞鹽味拉麵 ($108) 呢個飲落去雞湯嘅鮮味更加突出，麵條都幾挺身，成碗食落去好舒服😆呢間分店仲有佢哋嘅限定menu - 豚x雞白湯拉麵 ($105)，湯底表面打起一層泡，令口感更為豐富，湯底帶豬肉、雞油香，飲晒都唔會太油膩🤤每款拉麵都附有豬肉及雞肉叉燒各一、溏心蛋同味筍等，自己覺得佢嘅雞肉叉燒幾軟腍，不過最欣賞都係個隻擠到蛋汁嘅溏心蛋😛平日晏晝到訪仲可以加lunch set，今次試咗份御好燒風餃子，面頭舖滿木魚碎、大阪燒嘅醬汁同蛋黃醬，食落都幾juicy🤣