一幻拉麵

Open Now

Now Closed

喺尖沙咀返工，以前好鍾意食一幻，但當發現拉麵嘅質素同埋服務態度每況愈下，已經非常少去！是日路過，決定俾多次機會，可惜拉麵依舊一般，但服務繼續非常垃圾！手機落單我要講明要粗麵，最後送來幼面，佢自己幾個同事研究完係佢哋自己搞錯，最後過嚟問我：我哋搞錯咗，不如你要幼麵。我下咗一聲，佢就改口風：你要唔要碗幼麵？你唔要嘅我幫你再做過。阿姐，我可以要嘅我就唔會同你講你錯咗啦😓😓😓 一路食碗限定海鮮麵真係好油好油，材料一般，蝦同廣島蠔算OK,但兩隻青口根本超級嚴重過熟，縮水到只有一隻指甲咁大😫食咗百幾蚊，食物質素唔高都算啦，去到俾錢先真係火都嚟。係嘅，我俾錢嘅時候信用卡出咗啲問題，導致我要再重新set up, 的確係花咗佢一兩分鐘時間，但係收銀阿姐DoubleBo態度極為差劣，又黑面又晦氣，仲要俾說話我聽。好啦～我從此唔會再幫襯一幻。