Video
Read full review
2018-08-18
4233 views
自從瑪姖太太陀左b仔，好多食物都忌食，熊妹就少左食high afternoon tea呢隻腳。終於等到瑪姖太太陀到b仔穩定啲，仲主動揾熊妹食afternoon tea，熊妹當然舉腳贊成。熊妹素來都係抹茶控，又知道《Three on Canton》近排出左呢個和風抹茶下午茶，仲唔係同瑪姖太太分享的時候？呢個Matcha High Tea set有12款小食加英式鬆餅，即共13款，再包飲品，可選coffee, tea, floral tea, mocktail, cocktail, 全部都唔洗額外加錢。13款小食入面有4 款咸食，其餘9款都係甜點。4款咸食有三文魚🍣沾抹茶蛋黃醬汁，牛油果雞肉三文治🥪，迷你漢堡飽🍔同厚切玉子🥚。其實呢幾款同抹茶無咩關係，但high tea set一定要有啲咸點，而抺茶明明係甜點的材料，所以好難架硬整啲咸點，相信都會好難食。三文魚肉好厚，但唔係話好新鮮，點抹茶蛋黃醬幾得意。三文治無咩特別，牛油果🥑相信講緊麵包用牛油果整成，不過牛油果要生食先有啲香味，如果做製品就無咩味，所以個麵包無咩味的。雞肉沙律就幾清新。漢堡包幾好味，牛肉漢堡排好熟的，岩哂不能吃生的瑪姖太太
熊妹素來都係抹茶控，又知道《Three on Canton》近排出左呢個和風抹茶下午茶，仲唔係同瑪姖太太分享的時候？
呢個Matcha High Tea set有12款小食加英式鬆餅，即共13款，再包飲品，可選coffee, tea, floral tea, mocktail, cocktail, 全部都唔洗額外加錢。13款小食入面有4 款咸食，其餘9款都係甜點。4款咸食有三文魚🍣沾抹茶蛋黃醬汁，牛油果雞肉三文治🥪，迷你漢堡飽🍔同厚切玉子🥚。其實呢幾款同抹茶無咩關係，但high tea set一定要有啲咸點，而抺茶明明係甜點的材料，所以好難架硬整啲咸點，相信都會好難食。
三文魚肉好厚，但唔係話好新鮮，點抹茶蛋黃醬幾得意。三文治無咩特別，牛油果🥑相信講緊麵包用牛油果整成，不過牛油果要生食先有啲香味，如果做製品就無咩味，所以個麵包無咩味的。雞肉沙律就幾清新。
漢堡包幾好味，牛肉漢堡排好熟的，岩哂不能吃生的瑪姖太太。玉子沾上芝麻醬食，日式的味道。
然後到甜點出場喇，嘩，非常震撼的托盤，冰凍的石盤，下面有一堆乾冰，霧起一陣陣煙霧，籠罩住成個裝滿抹茶甜點的石盤，好有仙氣呀。
9款甜點🍬，全部都係抹茶味，包括mousse cake🎂, matcha cream🍮, opera cake🍰, roll cake🍩, yuzu cream tart🥧, almond cake🥞, macaron🍧, soufflé🍨 and scones🍪. 樣樣都好抹茶味，抹茶做甜點真係好夾，當中熊妹認為opera cake, roll cake, almond cake and scones最好味！opera cake 係抹茶夾雜朱古力蛋糕同脆脆，唔會太甜，又有幾重口感，好夾好味！roll cake 細細件，抹茶蛋糕包住抹茶cream，cream打得幼細，唔會好實又唔會好水好溶，係打發8成的密度，蛋糕好軟綿綿，好有濕度，帶出陣陣抹茶清香。almond cake其實就係杏仁粉同抹茶粉做成的抹茶蛋糕，其實無咩杏仁味，但用杏仁粉做出黎的蛋糕密度好高，係好厚實的抹茶蛋糕，抹茶味好濃郁。
而熊妹high tea 最愛之選的scones係抹茶味呀！一般high tea set都係原味牛油味，好少食到抹茶味呀，真係一次過滿足哂熊妹的口味！食scones一定要趁熱食，因為熱食會保持到scones牛油同麵粉融合的鬆化口感，如果凍左就變到硬啲，無左鬆餅的靈魂。加上，鬆餅的好拍擋，忌簾牛油簡直係令鬆餅錦上添花🌸，忌簾牛油的香味，塗上鬆餅上，與鬆餅的牛油麵粉混合一起吃，令牛油的香味大大提升，忌簾牛油好creamy但又唔會好膩，熊妹真係好鐘意呢種配撘，而瑪姖太太就鐘意塗上果醬，咸魚清菜，各有所愛。其餘的甜點熊妹略嫌甜了一點，包括mousse, macaron等都係一啲出名甜的甜品。
飲品方面，瑪姖太太覺得天氣太熱🌞，選了Passion fruit soda飲品🍹，熊妹就選了荔枝紅茶☕️，解解甜消消濟。
整體來講，抹茶控想食抹茶甜點一定好滿意呢個下午茶，但以afternoon tea set黎講，熊妹認為多幾款咸食會比較均勻點，唔會食到最後成口甜。
最後一提，open rice 逢星期一至五網上訂座可享75折優惠，限時下午3時至5時，優惠期到8月31日，兩人食每人二百蚊左右，真係抵到爛。
Post
