GUM "JENG!" X 御前上茶 (Closed)

旺角店之前已食過一次，食品無嘜特別，再光顧就是貪佢方便一站式食完晚餐再來過飯後甜品，那個綠茶雪榚牛奶凍味道本來都不錯，最慘要迫人用個厚揼揼木製匙羹又怪又不好feel, 有禮貌咁要求個乸口乸面既女侍應換個小鐵匙羹，點知負負氣氣答我話: 就咁走咗去, 嘩！佢係咪當入去啲客人三歲細佬返緊幼稚園學揸匙羹，如果隻杯咁巴閉就揾個箱鑲起去，真係見所未見，聞所未聞，呢個奇怪經歷事就在御前上茶旺角分店發生，雖然已即時同老板投訴話會檢討(同佢講真係袋錢入佢袋)，老實就算食品點好食都假，食到成肚氣背脊骨落, 老板請啲職員惡劣輕佻態度只會不斷趕客，價錢又唔係特別平，好食過呢間既同類食物或甜品店通街都有，我唔會再貼錢買難受! 咩嘢御前上茶吖，入去食嘢唔用木匙羹要被人御前扣查，真係笑大人個口！