金東大小廚 (Closed)

响印尼沙嗲屋食完後，原本諗住行去安利，點知closed咗，於是決定去呢度食餐勁ge...記得上一次嚟筲箕灣就係响呢度食la，食到反枱都唔使一百蚊，今次同女友食睇吓反唔反到先..^_^呢度夜"ma ma"都有即蒸點心食，有D仲係懷舊式點心tim，簡直無得頂。於是叫到一枱都係--- 鵪鶉蛋燒賣、大包、糯米鷄、一盅北菇雞飯、再加一碟炒元貝。點心水準過失，老實講，呢D懷舊式點心除咗蓮香及陸羽呢D老鋪外，第二D地方恐怕都幾難揾到，有得食，仲咁平(大包只賣六蚊個)，仲想點ar?本來想叫著名嘅蝦仔燒鴨湯飯，點知無，有D失望，叫咗北菇雞飯，水準就差好遠la...元貝大大隻，肉夠多，落咗大量椰菜豆角加上辣椒炒，辣辣地幾惹味，又夠大碟，無得彈...最後揭盅，埋單一百零二蚊，都係食到反晒枱...