Food Garden ETC (Closed)

好耐無行街，d2呢度少咗好多人流，所以其實都幾好行，咁岩今日有啲生活用品需要添置，就順便出街晚餐二人世界下！來咗三樓的Food Garden 食飯。呢度個set幾抵食，main連湯同花果茶都係$138左右，絕對係性價比高👍👍#招牌美國牛肩肉 選用優質無激素而且超過365日嘅穀飼牛，肉質上乘同時脂肪比例較低，是健康飲食之選。由於是穀飼牛所以有牛肉香而不會羶，食落肉質亦特別嫩口，連腌尖老公易食到點晒頭讚好呢！呢度的豬肉都好食，值得一試！這款香港飼養無激素西班牙黑毛豬鞍架配芒果莎莎醬，縱然塊豬鞍成吋厚😍但都無阻那刀子輕輕便能一切到底的速度，軟淋淋的豬肉沾上帶少少辣又惹味的芒果🥭莎莎醬，真係好食到停唔到口😆最後梗係食埋甜品就心滿意足啦！可以加幾十蚊就叫埋 #焦糖燉蛋 同 #朱古力心太軟 ，燉蛋夠香夠滑，焦糖夠脆夠甜😋朱古力心太軟亦夠香濃，軟滑的香濃流心漿住條舌頭，超有feel！呢度個#熱檸檬薑茶 勁好飲，檸檬同姜嘅比例啱啱好，夠薑味又唔會太辛辣，加咗少少糖去調味，感覺好暖胃， 飲完覺得好舒服！