Video
Read full review
2017-10-29
473 views
天氣涼返少少，即刻約埋阿妹去打邊爐！兩個人唔食到好多野，散叫唔抵食，所以最後睇openrice揀左去呢度任飲任食2.5小時！我地兩個都早放工，所以食早輪5pm-7:30pm! 每人$138加一全包價！價錢都幾抵！湯底有10款選擇，除左大路款式好似沙爹湯、芫茜皮蛋湯等等外，仲有任食火鍋比較少有嘅醉雞鍋、冬蔭功鍋、木瓜魚鍋等等，仲可以免費揀鴛鴦湯底。我地最後揀左四川麻辣鍋拼芫茜皮蛋鍋。要讚下個麻辣鍋，雖然唔係好辣，但夠香，咸味亦適中。醬料除左大路嘅辣椒、蔥、蒜外，仲有芝麻醬沙茶醬，不過其實湯底已經好夠味，所以都冇乜點啲醬料。我地每樣點少少，配料份量每次比得唔算多，咁樣岩哂我地，可以每樣食少少，試多啲款式! 火鍋必食肥牛！有本地肥牛同美國肥牛兩種選擇！兩款質素都唔錯，個人比較喜歡本地肥牛，因為牛味濃啲之餘仲比較有咬口。海鮮有海蝦、花膠，除左常見嘅鯇魚腩、魚雲外，竟然仲有鱔片！！是日海鮮係蜆，冇沙之餘味道都唔錯。特別推介海蝦，鮮甜彈牙，我地encore左幾次呢！另外仲有多款手打丸，我地試左手打墨魚丸同埋黑椒牛丸，前者爽口彈牙，後者黑椒味香濃，百幾蚊嘅任食火鍋有呢個質素，確實非常滿意！其他丸類我
湯底有10款選擇，除左大路款式好似沙爹湯、芫茜皮蛋湯等等外，仲有任食火鍋比較少有嘅醉雞鍋、冬蔭功鍋、木瓜魚鍋等等，仲可以免費揀鴛鴦湯底。我地最後揀左四川麻辣鍋拼芫茜皮蛋鍋。要讚下個麻辣鍋，雖然唔係好辣，但夠香，咸味亦適中。
醬料除左大路嘅辣椒、蔥、蒜外，仲有芝麻醬沙茶醬，不過其實湯底已經好夠味，所以都冇乜點啲醬料。
我地每樣點少少，配料份量每次比得唔算多，咁樣岩哂我地，可以每樣食少少，試多啲款式! 火鍋必食肥牛！
有本地肥牛同美國肥牛兩種選擇！兩款質素都唔錯，個人比較喜歡本地肥牛，因為牛味濃啲之餘仲比較有咬口。
海鮮有海蝦、花膠，除左常見嘅鯇魚腩、魚雲外，竟然仲有鱔片！！是日海鮮係蜆，冇沙之餘味道都唔錯。特別推介海蝦，鮮甜彈牙，我地encore左幾次呢！
另外仲有多款手打丸，我地試左手打墨魚丸同埋黑椒牛丸，前者爽口彈牙，後者黑椒味香濃，百幾蚊嘅任食火鍋有呢個質素，確實非常滿意！其他丸類我地仲試左香菇貢丸、千島龍蝦丸、午餐肉，全部正常冇乜特別。
餃類方面特別推介韮菜豬肉餃，韮菜多之餘又冇乜肥豬肉，味道又醃得剛剛好，好好食呢！鮮蝦雲吞反而被比下去呢！
炸魚皮脆卜卜，唔錯！
菇類菜類嘅選擇好多，推介皇帝菜，任食火鍋好少有得食呢！最後叫返個出前一丁同阿妹share食！飽到飛起！
飲品喺雪櫃任攞！
仲有乳酪雪糕任食！百五蚊任你食足兩個半鐘，食物仲要有返咁上下質素，收貨有凸啦！
Post
