T4 清茶達人 (Closed)

之前係觀塘飲過一次T4清茶達人，已經覺得好正好好飲。今晚嚟咗灣仔，原來佢開咗分店，咁梗係即刻要飲番一杯啦。最驚喜既係新張期內買一送一，而且like 埋Facebook仲有得免費加大。飲品種類選擇多，有清茶、奶茶、奶蓋、奶昔等等，岩哂唔同口味既人。先叫左杯琥珀珍珠鮮奶 $30我叫左半糖，但都已經夠甜了，因為本身珍珠已經有香濃既黑糖味。珍珠煙韌，甜甜QQ,而且珍珠係新鮮整起。食既時候暖暖的，口感十足。而且鮮奶味香滑，同茶味非常之夾 另外，叫左一杯玫瑰清茶。$23玫瑰清茶係T4獨創，出面其他既鋪頭都未見過。玫瑰清香，茶味芳甜，兩者既味道唔會太搶，清清甜甜，茶味中亦能帶出玫瑰🌹香