龍門一番 上海·紫砂燉湯 (Closed)

朋友同男朋友搬出黎住，約左我去荃灣的8咪半 同 愉景新城行，因為果邊有唔少的家私鋪可以行，可以簡，行左大半日，我地都系決定近近地系返8咪半到食野，因為已經無力再行了。朋友鐘意食中菜，我地輕輕行左一圈之後，就簡左龍門一番‧上海‧紫砂燉湯食。唔知系咪呢個商場主力都系D裝備同家私鋪多，連餐廳D裝潢都幾別致、舒受同好睇。我地無坐餐廳入面GE座位，簡左D系門口的座位，一黎系梳化椅，夠哂懶，二來貪佢光猛D，方便我地邊睇D 家私傳單，可以一路食一路繼續傾。呢間餐廳好好，每一個客佢都有一個小茶壺，店員會俾幾款茶葉你簡，而你自己沖返自己GE茶，自己有自己專屬GE茶，咁就可以避免朋友A鐘意飲鐵觀音，朋友B鐘意飲水仙，但餐廳就淨系俾一壺你GE難落台情況啦。我地實在行太耐了，十級肚餓！拎起Menu勁快簡到野食，我地叫左黑將軍水餃(6只)($48)、上海小籠包(4件) ($36)、藍莓山藥($48)、百合木耳炒水蓮($72)、瑤柱露筍蛋白炒飯($72)、香芋鍋餅 配 雪糕($52)。黑將軍水餃GE膚色之所以咁黑系因為落左墨汁，入面再包住肉同菜，佢GE口感同味道有D似八方雲集GE水餃，特別要贊一下個辣醬，好好食！