川味辣蟹·串燒·烤魚·雞煲·專門店 (Closed)

行過見到呢間川味辣蟹，有$1雞優惠，每人消費$150以上就可以用$1 呢個優惠價換半隻雞，仲有三個口味揀，川味雞煲、椰子雞湯雞煲同花膠雞湯。見呢度幾多野食，串燒、烤魚、海鮮、川味小菜，仲有砂鍋粥。好吸引，我地就入左去，坐底先慢慢揀食乜。見門口係間冷麵店，係中學時成日食既撈撈冷麵，而家都好少見，一陣食完晚飯買黎試下先。原來餐廳係冷麵店旁邊落樓梯，係底層地庫，餐廳好大架。朋友想食蟹，叫香辣炒大肉蟹，好惹味，啖啖蟹肉，配菜蒿荀都好正，好爽口。尖椒流心皮蛋，真係好流心，唔錯。蜜糖燒雞翼，係即點即燒，上枱熱辣辣香噴噴。1蚊雞我地揀左花膠雞湯，大大煲，個雞淆到好香濃，我太好味，我地成煲隊哂。 呢餐都好飽下，冷麵都試唔到添。