越風味珍寶火車頭湯河：材料好足（牛肉、牛肉丸、扎肉、牛筋、牛腩同埋蘿蔔），所有食材都入晒味，真係食完一碗就飽晒。
香茅豬頸肉牛骨湯河：豬頸肉會另上，豬頸肉係外脆內軟，而且好Juice，絕對好有水準。而河粉嘅湯底係牛骨湯，口感一流。幾十蚊食到咁高嘅質素，絕對係抵食。
另外，仲叫咗一個越風味小食拼盤，包括春卷、蒸粉包、蝦餅、墨魚餅同埋扎肉，每一樣食菜都係熱辣辣，炸既部分唔會比人覺得油膩，而且最好食嘅係蒸粉包，好有越南嘅特色。
如果咁啱傾開呢一頭嘅人，或者住喺附近嘅人真係不妨嚟依度一試，性價比超高，而且服務態度很好。
