先係有8種蒸海鮮，有大頭蝦、扇貝、帶子、生蠔、蟹、鮑魚、、蟶子。生蠔同埋蟹比較好食，其他味道比較淡，唔知會唔會係冰鮮🧐
1
調味料比較簡單，只有蔥花、蒜頭同豉油。我平時比較鍾意沙嗲醬、麻油同埋花椒油都冇😅。
加咗$20可以任飲，有啤酒汽水。
4
海鮮一般唔使蒸太耐，事先姐姐會講解一下大約蒸幾耐。
小食有幾款，可能比較夜先入座，例如雞翼尖已經冇。我覺得味道淡咗少少，可能醃得唔夠耐。
肥牛都算，幾有口味。
五花腩，都幾彈口。
有豆卜、牛柏葉、清遠雞，食材都還可以。
脆鯇片、萵筍、布包豆腐、午餐肉，豆腐唔夠滑，其他就正常。
1
菜嘅選擇唔多，最後揀咗生菜。
整體嚟講價錢算平，食物中規中矩，海鮮略嫌夠鮮甜。
