北豆 Bar & Grill (Closed)

幾日落雨😣，不如我給你藍天啦🥰。 我有緣遇上這位於北角，日式串燒餐廳。厚燒牛舌2串（$48）- 好厚呀，香料好多，口感足，配啤酒一流。蒜蓉粉絲燒扇貝2隻（$78）-精華落入粉絲度呀，又甜又好味。芝士魚餅2 件（$38）- 流心芝士加彈牙魚餅。多汁翠肉瓜（$28）- 串到成個風車咁😆，好爽甜。脆皮肥鱔（$48）- 好肥美，不過香料落得太重手，蓋過左鱔既鮮味。整體係又好食又抵食架，你望個價錢就知。成間店舖既佈置都令我❤️動，員工大部分係滿有活力嘅年輕人🤤。 我要特別讚下個日個員工👍🏻👍🏻👍🏻👍🏻👍🏻，佢一腳踢做傳菜，落單等等，做到頭暈但佢一點怨言都無，態度仲好友善😍，服務一流。